ming pao weekly digest

- 關淑怡可唔可以唔好咁型咁性感,那麼一小格的照片明明是路過給你閒閒地笑都足足讓人駐目三五分鐘之久!其他人簡直遜色。
- 見到肥姐就累,明明大病初癒仲要做騷,見親欣宜親佢臉頰d相同喊那些相,表演親情就覺得煩,'欣宜哭叫:羅文不要帶走媽媽'真係好低能,幾多歲呀小姐仲細咩?!
- 明明不喜歡珠寶鑽飾,但每次看到Qeelin的產品都很想擁有,覺得款式大方別致,最緊要的是簡單。今次的BoBo extended line竟然可以換衫!原本不喜歡bobo,覺得一舊3D野帶心口會好怪,依家改良左變扁左!又竟然使出可換衫等最吸引婆仔的殺手間,醒!好像還是張曼玉的提議呢。條鏈夠長,襯tee牛仔褲應該好靚又有型。今次張小姐用紅唇咬著這麼可愛的飾物拍的照片,的確是好厲害的宣傳,又seductive又女人又童真,叫人招架不住(好想要poster,上次佢個背脊wulu張相又係引死人)(請看qeelin網站的muse一欄)。最要緊的是:新版bobo身上有個大大隻B字!!想立即扭B計要買,聖誕節到了呀!上網查看,找不到價錢,有沒有人知?要十萬嗎?對首飾的行情真是毫無頭緒,好想入媽咪個行呀最近,閒時弄些漂亮又唔等使的首飾,光看著都開心,女人錢最易賺。真可惜忙,要不然就報讀了浸大的珠寶設計了。大個女我一定會幫襯陳瑞麟!!!
- 王丹專欄怎麼不見了?
- 梁以平漫畫早在數個月前已經讀不下去,講來講去三幅被,看來女人淨懂埋怨是不得的。
- 父子影評說到我心坎裡。個人認為影片努力作'火扇'情狀,卻讓人有不耐煩之感,好生尷尬。電影十分大男人,(女人只會從一個男人走到另一男人身邊去)對白突兀,情節沒起伏轉接,那麼內心戲呢?演員卻看得出努力而仍然交不足貨(天份使然呀,真懷念張國榮的爛同頹)。整件事是譚自己陶醉在那個世界裡而我一點共鳴都沒有。那個長勝的角色,壞,動物,卻一點牽動不了我任何同情憎惡的神經,呀媽也是,自私,我明白,卻一點也感覺不了那掙扎內疚,整個戲無矛盾好難成立,雖然司馬燕個仔真係好靚仔,可惜連美男計都沒用。不過,譚的電影語言真無懈可擊,聽他present同被critique,知道他完全知自己在做甚麼。只可以說,這戲不是我杯茶。睇完心內即刻跟bicycle thieves比,說的是差不多的故事,卻真的比不上。單車一戲叫我內心抽痛一星期然後寫analysis時在篇文裡跟kim說以後都不要看咁sad既戲。別人明顯輕輕地已使出功夫,父子卻太刻意了。想念烈火青春的大膽前衛有型,不過在這方面,我跟他構思故事時其實常犯相同錯誤,只顧沉沈溺在那個世界,太著眼於感覺而忽略了事件,真希望他在可以一起看然後討論,不知道他會不會喜歡呢?(歡迎任何counter argument)
- 不過,父子的love scenes真真真好看,可惜又係楊采妮唔夠放。
- 黎堅惠好耐無脫稿,叻!
- 謝安琪跟張繼聰一對,幸福到爆!!!早生仔我都好想呀,一係唔生,三十先生不如唔好生,最衰媽咪唔俾,唔知讀緊書有bb會唔會分心畢唔到業呢?(雖然linda同我已經predict會畢唔到業哈哈哈...)god bless this couple =)