有無人仲未買

http://blog.blogwhy.com/thunderlittle/e_16266.html 上司傳來,開心有知音。

有人同我一樣,睇標童一千次都笑到嘔。怕且我已看過廿次以上,仍然很開心,睇稿時,經常一個人發癲狂笑,跟同事分享,逐格笑,吃飯,仍然在笑,放工,在地鐵車箱笑。可惜書做完,因為太多錯野,唔敢打開睇,好像fyp交左,唔敢再打開睇一樣,近排唔開心,問郭言攞番笑下先(喂呀鍚住佢呀簽名版黎架)。
阿德,真係好勁,好少人爛gag真係有爛gag質數,無論分鏡故事hook位對白,都準,人物扮相更樣衰趣怪,性格更是立體,我好中意愛的教育的discriminate九龍人個青必必衰仔,佢個頭大到爆表情又老積鼻哥會出煙,出figure就好嘞,愛的教育個妹妹又係老積王,中意,藍色邪童係羅小姐人生目的,專做無聊衰野,仲有粉紅頭咸濕仔中意肥妹仔,都好騎呢,七隻朱標正既拗攣攣既拗正勁低能(janlamb口吻)又係心水,你得架靚仔到爆曾經成為我地口頭蟬。阿德最勁係好笑得黎有point有message,不是賣花讚花香,本人認為是真的勁過稻中。

我諗十年之後標童都會好好笑,德對某些人,係有種魔力,佢個腦唔知裝咩?我問過佢自己諗gag時佢會伯唔會笑死,佢話自己覺得唔好笑架,奇!!希望佢唔好咁無自信!大把(老)少女中意佢more than幾米啦,我最唔得幾米,在此希望大陸快快買佢版權閒閒地印三十萬30蚊本都收90萬(而公司又好收一筆嘻),那麼佢就可安心創作了並跟女神過甜美生活。

我最想德可以畫一整本傘報,即係將佢既newsclipping加功,路漫漫有小小幅偷看,佢幫第二個國家做,佢話香港無market?唔係wor我覺得勁過尊子d政治漫畫,一定會超超超好笑。

藍田同標童係完全唔同野,但一樣証明德係最強的漫畫人。藍田有法語版,威水!好自豪香港有阿德依個漫畫人。翻過法語版,印得超靚超靚超靚,更係啦人地賣$200幾,不過本可做好d藍田,唔開心,有無人睇左,想聽下feedback。

預告:標童2(偽科學2)會在5月推出,包括更多新騎呢角色無聊情節,有睇東touch都知,我好中意無糖漫畫,想想想想要。

(希望佢地唔好search到我個blog再send俾我上司啦 or vice versa如果唔係就樣衰到爆呀)(笑)