細佬升中四,滿有獨思立思想的但喜歡將其用在辯駁上,平日主要活動是駁嘴加鑽在房間玩電腦,五年級已懂用HTML寫網,他有一wacom板,疼惜地用A4紙墊著用,整天都在一可一邊傾一邊在public space畫畫的網畫畫畫,還要一邊打psp/nds,好忙。一家人飲茶時,他會在點心紙上練習畫洛克人,是有陰影有volume有perspective那種。我會考的時候臨急抱佛腳去學畫,帶著他一起,老師已認為他有潛質,因為手夠軟,可惜他討厭畫認真的素描,漸漸將畫畫天份電子化,成為沈迷電腦或遊戲機的青年。
我每次跟他吵大鑊,都是因鬧佢打機將時間浪費在無意義的事上,佢會眼眶泛紅地駁嘴,那是他生命的全部意義!聽得我冷笑連連。他大概視game design為夢想職業吧,我不反對,還很支持,可是細佬,香港的教育制度有其規則的,佢幾時先會聽?
一迷電玩,很自然會喜歡日本的一切,此細佬早早已在學日文打算中七畢業後去日本唸書。因為實在破壞感情,而且十三四是最反叛講極都唔聽的年齡,最近我已不再開口鬧,少少放棄但內心擔憂:離中七還有四年,他難不成要繼續天天都在打機打機和打機?並且將創意/獨立思想發揮在駁嘴上?本在替他煩選課的事,我千叮萬囑如果將來想打機,一定要修課art看門口,往那個創意部門都更易一點。
今天想頭更大,取了章程心郁郁想幫他轉往兆基創意書院,第一年開校,課程聽上去頗吸引(天,竟然有科創意編輯及出版,痴線中四炸洗唔洗咁正?!大學都無得讀,恨恨恨)跟故事主角討論了一會,他覺得不用考P/C /B已值得立即轉(笑),我迫他讀了別人的願景辦學目的發展等等,看看適合自己否,他像是頗有興趣,已在嘗試cook up cert的餐單,我話要面試功作坊做好多野,都不一定入到,大家覺得會否太激動?這個決定有點驚,因為關乎他的將來!第一年開校會否太危險?我只希望挑起他對學習的興趣,不想他天天浪費日晨應酬考試制度後逃往日本,他要是在原本的中學就讀,大概會繼續變成這樣。
各路人有無意見?我終於明D師拉點解中意傾傾下(笑) 咁大個動作,仲緊張過自己選科啊。
4月28日為該校的開放日,去打個轉先。
3 則留言:
有個好似你咁既家姐真好(我都好想要...)
既然有志向就去啦
間學校望落唔差.唔知師資同同學素質如何..
有環境support固然好,不過讀art都係靠自己你知架...
估你細路有自己諗法(不過唔好去日本啦, 佢地個acg industry有d悶...)
想當年我都差唔多中二就plan要以後做d咩
唔係為左讀cm 我晨早走左去畫漫畫(中五之後)因為有自知之明,所以唯有繼續讀...
中四五個兩年影響左我好多...
至於認真的素描嘛,畫多d漫畫就得啦 唔駛練...哈哈哈
死fyp中的最後4日..
我覺得細佬既目標都好清淅呀。
最近我跟緊個設計比賽project,學生既作品就好大分別,同樣修art，其實仲要睇個老師點處理,有d學生有technique,但有d學生係有theme係後面,見到係study過先下功夫,係個老師帶得好。
所以細佬讀科art,可能只係1同5既改變,但去有心栽培既地方,個改變可以係1同10.
再講佢要面對既係十年後既工作環境,我地呢行（係咪可以咁概括呢？）十年後變成點都未知，某程度我覺得正規中學有小小接不到軌。
而且學習氣氛都好緊要,如果同學都有相同興趣，目標又相似，鼓舞都大d啦，又可以互相開眼界。
我地個節目遲d有集都會講兆基,節目出街話你知，到時睇下。
加油呀,你真係好家姐！（笑）
我攞左form叫佢報名,有份work要做,個題目係'我',日日催佢打少d機,諗下個work,嫌我煩,唉,最弊係佢唔知有個好家姐(笑),仲好憎我添。
星期六會去行一轉,希望會刺激佢發奮既慾望啦。
我覺得香港個制度只係對識死同自動自覺既人work,對著一反叛的,好易有反效果,埋沒左好多人呀。
發佈留言