make up story

唉我係唔化得妝塊面最好咩都唔整個種人,星期天到中環玩買了新衣,想著化個淡淡的妝配一下,只髹上胭脂,可能cheap得滯,翌日面上立即有點敏感。
昨天情人節,晚餐約會,對他說let me dress up,特意買了睫毛液,也不是便宜亂買的,都百幾啊!今天起來卻也敏感。
話說以前姊對我素來面都唔洗的不修邊幅看不過眼,間唔中會說我一兩句的,她認為都廿歲還不護膚唔搽cream都幾不知所謂,所以周不時順手給我做facial磨沙,我還是厭太浪費時間了,所以廿歲那年便推搪說,好啦俾自己懶多兩年,廿二歲咪開始護囉。
過了生日不久,某天在旺角那間等人地標的護膚品店前等朋友,入內逛了圈(我對這間公司的印像還不錯,marketing成功營造出environmental friendly同自然既感覺) 說過的話算數,幾分鐘後便提著千多元東西走人,什麼磨沙啦mask啦咩水咩油啦一次過胡亂置下。
都係因為搬到hall時沒能再塗媽媽房間內那價值$700多元的面霜後胡亂在taste買了支搽身的來搽面,面孔突然爆出一粒粒,媽媽得知後立刻買過盒平版過我,都$300蚊,貴到死,搽完一兩日無進展,我便下出我與shiseido的平野無緣的結論(以前媽給我另外支shiseido都係搽完乾到死)先至自己買架。(姊知道後立即罵我亂買。)
用了一陣子好地地,這上下額頭側又長暗蒼,平常只會在月事前一兩天長的,現在還差一大段日子麻,所以我想,我係命中注定什麼都不做面都唔洗先舒服個d人黎架。

所以好羨慕羅詠然可以分享化妝心得呀。

而我的,不是失敗心得是什麼呢？