不知道

我真的不知道。
如果你問我大是大非的問題,我只可以回答說不知道,究竟是誰對,誰錯。
因為好多野擺明,但係大人喜歡講一套做一套,有咩辦法。
明知有d人唔岩,當正係貴賓請佢黎,拉車邊,唔知博咩,頂佢個肺。
我覺得可笑, 然後憤怒,我喜歡無線新閒報導重複唔知咩水主席同埋警務處署長既講話,她好大聲讀某些字,那幾隻每個人聽見都覺得好笑既字,唔記得exactly講咩,大致上係d阿sir覺得自己辦事好有效率,叫香港市民放心,警方會有適當既應變,保硬你地,唔使驚之類, 個報導員d語氣我好欣賞,佢講到好似咁:例如當我地唔同意/則疑某d人講野既時候,就會話: 媽咪話唔知wor,其實真唔知定假唔知,大家心裡有數。
無得拗,我唔想太扇情,我知d唔知d,都估到係有衰人從中作梗啦。
side氣,警務處署長有得對住全港市民講野,示威者有無得,我情願d人唔關心,無睇新聞當唔知算,好過誤以為人地千里迢迢黎係特登搗亂攪到你無生意做幾日,特登阻街同埋無端衝突,特登唔守規拒。用下腦都諗到,唔係有人迫到佢地無飯開,洗唔洗飛機票住宿成套架差?黎,好玩咩,人地前幾日都好有禮貌,突然爆發衝突,點解呢,唔知wor。人地全年無飯開,如果警察係打份工,大家咁話,咁係邊個唔岩邊個著。我無去示威,我好想,早兩日先識醒,人地為生計為公義跑老遠路黎發聲,我仲係度發神經情情塔塔喊苦喊忽，我從未試過咁尊重吳加豪同學,岩岩佢地話係電視見到佢,我就同自己講,以後唔笑佢唔剪指甲唔洗頭。
我唔會同人拗我心裡面撐邊個,人地點都影響唔到我,而如果大家見到d場面,然後話d農民唔岩,我只會失望,大家見既只係佢地最失控個幾分鐘,但係新聞有無一個鐘重複幾十次佢地無飯開既片段?我係唔知頭唔知路,但係我覺得如果大家睇野咁表面,咪俾d奸人得逞囉。又封路又成,知佢無好野,大家仲唔覺得d示威者變態,亂咁郁人? 我無話警察唔岩,我唔知,大家都係傀儡,同病相憐,咁先慘,自己人打自己人。
有錢既人有錢既國家大大粒就有人服侍成隊兵,窮人出句聲都難,車,有禮貌有人睬咩?講幾句野開幾個會就決定左人地既命運,咩世界。